കരിപ്പൂര്‍ വിമാന ദുരന്തം: മരിച്ച ഒരാൾക്ക് കൊറോണ സ്ഥിരീകരിച്ചു കൊറോണ സ്ഥിരീകരിച്ചു

കരിപ്പൂര്‍ വിമാനദുരന്തത്തില്‍ ഒരാൾക്ക് കൊറോണ സ്ഥിരീകരിച്ചു. സംസ്ഥാന ആരോഗ്യവകുപ്പാണ് വിവരം അറിയിച്ചത്. ഇതോടെ വിമാനത്തില്‍ ഉണ്ടായിരുന്ന മുഴുവന്‍ യാത്രക്കാരുടേയും കൊറോണ പരിശോധന ഉടന്‍ നടത്തുമെന്നും ആരോഗ്യവകുപ്പറിയിച്ചു. കൊറോണ സാദ്ധ്യത ഏറെയുള്ള പ്രവാസികളാണ് വിമാനത്തിലുണ്ടായിരുന്നത്. അതിനാല്‍ത്തന്നെ രക്ഷാ പ്രവര്‍ത്തനത്തില്‍ ഏര്‍പ്പെട്ടവരെല്ലാം കൊറോണ പരിശോധനയ്ക്ക് വിധേയരാകണം എന്ന നിര്‍ദ്ദേശവും അധികൃതര്‍ അറിയിച്ചു. തുടക്കത്തില്‍ 45 സി.ആര്‍.പി.എഫ് ജവാന്മാരും പരിസരവാസികളുമാണ് രക്ഷാപ്രവര്‍ത്തനങ്ങള്‍ക്ക് നേതൃത്വം കൊടുത്തത്.