സൗദി അറേബ്യയിൽ കൊറോണയിൽ നിന്നും രോഗമുക്തരാകുന്നവരുടെ തോത് 87 ശതമാനമായി ഉയർന്നു

സൗദി അറേബ്യയിൽ 1567 പുതിയ കൊറോണ വൈറസ് കേസുകൾ കൂടി റിപ്പോർട്ട് ചെയ്തതോടെ രാജ്യത്ത് സ്ഥിരീകരിച്ച അണുബാധകളുടെ എണ്ണം 285793 ആയതായി ആരോഗ്യ മന്ത്രാലയത്തിന്റെ പ്രസ്താവനയിൽ പറയുന്നു. 38 മരണങ്ങൾ കൂടി സ്ഥിരീകരിച്ചതോടെ ആകെ മരണസംഖ്യ 3093 ആയി. 1859 പേർ കൂടി പുതുതായി രോഗമുക്തി നേടിയതോടെ വീണ്ടെടുക്കൽ നിരക്ക് 87.11 ശതമാനമായി ഉയർന്നു. 285793 രോഗബാധിതരിൽ 248948 പേർ പൂർണ്ണമായും സുഖം പ്രാപിച്ചതായാണ് കണക്ക്. നിലവിൽ ചികിത്സയിൽ ഉള്ള 33752 രോഗികളിൽ 1892 കേസുകൾ ഗുരുതരാവസ്ഥയിൽ തുടരുന്നു. പുതുതായി സ്ഥിരീകരിച്ച കേസുകൾ മക്കയിൽ 268, അസിറിൽ 259, റിയാദിൽ 208 എന്നിങ്ങനെയാണ് ഏറ്റവും കൂടുതൽ സ്ഥിരീകരിച്ച പ്രദേശങ്ങൾ.