കോവിഡ്: 24 മണിക്കൂറിനിടെ ഖത്തറില്‍ മരണങ്ങളില്ല

ഖത്തറില്‍ കഴിഞ്ഞ 24 മണിക്കൂറിനിടെ 4,697 പരിശോധനകള്‍ നടത്തിയതില്‍ കോവിഡ് സ്ഥിരീകരിച്ചത് 288 പേരില്‍.294 പേര്‍ രോഗമുക്തരായി. പുതിയ രോഗികളേക്കാള്‍ രോഗമുക്തര്‍ കൂടിയതും 24 മണിക്കൂറിനിടെ മരണങ്ങള്‍ റിപ്പോര്‍ട്ട് ചെയ്തിട്ടില്ലെന്നതും ആരോഗ്യ പ്രവര്‍ത്തകര്‍ക്ക് ആശ്വാസകരമാണ്. കോവിഡ് നിര്‍ണയത്തിന് ഖത്തര്‍ ആകെ നടത്തിയത് 5,55,970 പരിശോധനകളാണ്. ഇതേവരെ രോഗം സ്ഥിരീകരിച്ച 1,15,080368 പേരില്‍ 1,11,794 പേരും ഇതിനകം രോഗമുക്തരായിക്കഴിഞ്ഞു. നിലവില്‍ 3,087 രോഗികളാണ് ഖത്തറില്‍ ഉള്ളത്. ഇതില്‍ 454 പേരാണ് വിവിധ ആശുപത്രികളില്‍ കഴിയുന്നത്. ഇവരില്‍ 46 പേര്‍ കഴിഞ്ഞ 24 മണിക്കൂറിനിടെ ആശുപത്രിയില്‍ പ്രവേശിപ്പിക്കപ്പെട്ടവരാണ്. അതിതീവ്ര പരിചരണത്തിലുളളത് 69 പേരാണ്. 193 കോവിഡ് മരണങ്ങളാണ് ഇതുവരെ ഉണ്ടായത്.