ഖത്തറില്‍ മൂന്നാം ദിനവും കോവിഡ് മരണങ്ങളില്ല

ഖത്തറില്‍ 24 മണിക്കൂറിനിടെ 295 പേര്‍ക്ക് കോവിഡ് സ്ഥിരീകരിച്ചപ്പോള്‍ രോഗമുക്തി നേടിയത് 303 പേര്‍. പുതിയ രോഗികളെക്കാള്‍ രോഗമുക്തര്‍ കൂടിയതും കഴിഞ്ഞ 72 മണിക്കൂറിനിടെ മരണങ്ങളൊന്നും റിപ്പോര്‍ട്ട് ചെയ്തിട്ടില്ലെന്നതും ഖത്തറിലെ ആരോഗ്യ പ്രവര്‍ത്തകര്‍ക്ക് ഏറെ ആശ്വാസം പകരുന്നു. 5,66,013 പരിശോധനകളിലായി ഖത്തറില്‍ ഇതേവരെ രോഗം സ്ഥിരീകരിച്ചത് 1,15,956 പേരിലാണ്. ഇതില്‍ 1,12,658 പേരും രോഗമുക്തി നേടി. 3,105 രോഗികളേ നിലവില്‍ ഖത്തറില്‍ ഉള്ളൂ. ഇതില്‍ 416 പേര്‍ മാത്രമാണ് ആശുപത്രികളില്‍ ചികിത്സയിലുള്ളത്. ഇവരില്‍ 33 പേര്‍ കഴിഞ്ഞ 24 മണിക്കൂറിനിടെ ആശുപത്രിയില്‍ പ്രവേശിപ്പിക്കപ്പെട്ടവരാണ്. അതിതീവ്ര പരിചരണത്തിലുളളത് 66 പേരാണ്. ഖത്തറിലെ ആകെ കോവിഡ് മരണങ്ങള്‍ 193 ആണ്.