സവാള കച്ചവടത്തിന്റെ മറവില്‍ കഞ്ചാവ് വില്‍പ്പന; പിടികൂടിയത് 1 കോടി രൂപയുടെ കഞ്ചാവ്

ആറ്റിങ്ങലില്‍ വന്‍ കഞ്ചാവ് വേട്ട. ആലംകോട് ഒരു കോടി രൂപ വിലമതിക്കുന്ന കഞ്ചാവ് എക്‌സൈസ് ഉദ്യോഗസ്ഥര്‍ പിടികൂടി. സവാള കച്ചവടത്തിന്റെ മറവില്‍ ആയിരിന്നു കഞ്ചാവ് കച്ചവടം. ആലംകോട് പുളിമൂട് ജംഗ്ഷന് സമീപം പ്രവര്‍ത്തിക്കുന്ന ഹോട്ടലില്‍ നിന്നാണ് കഞ്ചാവ് പിടികൂടിയത്. കൊറോണയുടെ പശ്ചാത്തലത്തില്‍ ഹോട്ടല്‍ അടച്ചുപൂട്ടിയിരുന്നു. പകരം സവാള ഹോള്‍സെയില്‍ കച്ചവടമാണ് ഇവിടെ നടത്തുന്നത്. ഇതിന്റെ മറവിലാണ് കഞ്ചാവ് കച്ചവടം നടന്നിരുന്നത്. എക്‌സൈസ് കമ്മീഷണര്‍ക്ക് കിട്ടിയ രഹസ്യ വിവരത്തിന്റെ അടിസ്ഥാനത്തിലായിരുന്നു റെയ്ഡ് നടന്നത്. സംഭവത്തില്‍ 4 പേരെ എക്‌സൈസ് അറസ്റ്റ് ചെയ്തിട്ടുണ്ട്.