കൊറോണ; വൈറസ് ബാധിതരുടെ എണ്ണത്തില്‍ വീണ്ടും വര്‍ധന; 24 മണിക്കൂറിനിടെ 83,883 പുതിയ കേസുകള്‍; രോഗമുക്തര്‍ 29 ലക്ഷം കടന്നു

കൊറോണ വൈറസ് ബാധിതരുടെ എണ്ണത്തില്‍ വന്‍ വര്‍ധനവ്. കഴിഞ്ഞ 24 മണിക്കൂറിനിടെ 83,883 പേര്‍ക്കാണ് പുതുതായി രോഗ ബാധ സ്ഥിരീകരിച്ചത്. ഇതോടെ ആകെ രോഗ ബാധിതരുടെ എണ്ണം 38 ലക്ഷം കടന്നു. 38,53,407 പേര്‍ക്കാണ് രാജ്യത്ത് ഇതുവരെ രോഗ ബാധ സ്ഥിരീകരിച്ചിരിക്കുന്നത്. 24 മണിക്കൂറിനിടെ 1,043 പേര്‍ക്കാണ് കൊറോണയെ തുടര്‍ന്ന് ജീവന്‍ നഷ്ടപ്പെട്ടത്. ഇതോടെ ആകെ മരണ സംഖ്യ 67,376 ആയി. ഇതിനിടെ ഇന്ത്യയിലൊട്ടാകെ 29,70,493 പേര്‍ രോഗമുക്തരായി എന്നത് ആശ്വാസം പകരുകയാണ്. 29,70,493 പേരാണ് കൊറോണയില്‍ നിന്നും രോഗമുക്തി നേടിയത്. 8,15,538 പേരാണ് വിവിധ ഭാഗങ്ങളിലായി ചികിത്സയിലുള്ളതെന്നും കേന്ദ്ര ആരോഗ്യ മന്ത്രാലയത്തിന്റെ കണക്കുകള്‍ വ്യക്തമാക്കുന്നു. മഹാരാഷ്ട്രയിലാണ് രോഗ വ്യാപനം ഏറ്റവും അധികം രൂക്ഷമായി തുടരുന്നത്. 24 മണിക്കൂറിനിടെ 17,443 പേര്‍ക്കാണ് മഹാരാഷ്ട്രയില്‍ പുതുതായി രോഗബാധ സ്ഥിരീകരിച്ചിരിക്കുന്നത്. ഇതോടെ ആകെ രോഗബാധിതരുടെ എണ്ണം 8,25,739 ആയി.