കോവിഡ് 19 : ഖത്തറില്‍ 231 പുതിയ രോഗികള്‍

ഖത്തറില്‍ കഴിഞ്ഞ 24 മണിക്കൂറിനിടെ കോവിഡ് സ്ഥിരീകരിച്ചത് 231 പേര്‍ക്ക്. 256 പേര്‍ രോഗമുക്തരായി. ഇന്നു രോഗം സ്ഥിരീകരിച്ചവരില്‍ 11 പേര്‍ മറ്റു രാജ്യങ്ങളില്‍ നിന്നെത്തിയവരാണ്. ഇതോടെ ഖത്തറിലെ ആകെ കോവിഡ് ബാധിതരുടെ എണ്ണം 1,20,579 ആയി. ഇതില്‍ 1,17,497 പേരും ഇതിനകം രോഗമുക്തരായി. നിലവില്‍ രോഗികള്‍ 2,877 മാത്രം. രോഗനിര്‍ണയത്തിനായി 24 മണിക്കൂറിനിടെ 4,288 ടെസ്റ്റുകള്‍ കൂടി നടത്തിയതോടെ ഖത്തറിലെ ആകെ പരിശോധനകള്‍ 6,67,936 ആയി. കോവിഡ് ആശുപത്രികളില്‍ ചികിത്സയിലുള്ളത് 408 പേരാണ്. ഇതില്‍ 41 പേര്‍ കഴിഞ്ഞ 24 മണിക്കൂറിനിടെ ആശുപത്രിയില്‍ പ്രവേശിപ്പിക്കപ്പെട്ടവരാണ്. ഇവരില്‍ 49 പേര്‍ അതീവ ഗുരുതരാവസ്ഥയിലാണ്. 24 മണിക്കൂറിനിടെ ഐസിയുവിലേക്ക് മാറ്റിയത് നാലു രോഗികളെയാണ്.