രാജ്യത്ത് 24 മണിക്കൂറിനുള്ളിൽ 82,170 പേർക്ക് രോഗം; രോഗമുക്തരുടെ എണ്ണം 50 ലക്ഷം പിന്നിട്ടു

രാജ്യത്ത് കൊറോണ വൈറസ് ബാധിതരുടെ എണ്ണത്തിൽ വർദ്ധന. കഴിഞ്ഞ 24 മണിക്കൂറിനിടെ 82,170 പേർക്ക് പുതുതായി രോഗം സ്ഥിരീകരിച്ചു. ഇതോടെ രാജ്യത്ത് ആകെ കൊറോണ ബാധിതരുടെ എണ്ണം 70 ലക്ഷത്തിലേക്ക് അടുത്തിരിക്കുകയാണ്. ഇതുവരെ 60,74,703 പേർക്കാണ് ഇന്ത്യയിൽ കൊറോണ സ്ഥിരീകരിച്ചിരിക്കുന്നത്. ഇതിൽ 50,16,521 പേർ രോഗമുക്തി നേടി. നിലവിൽ 9,62,640 പേരാണ് രാജ്യത്ത് ചികിത്സയിൽ ഉള്ളത്. രാജ്യത്ത് കൊറോണ ബാധിച്ച് മരിച്ചവരുടെ എണ്ണത്തിലും വർദ്ധനവുണ്ടായിട്ടുണ്ട്. കഴിഞ്ഞ 24 മണിക്കൂറിനിടെ കൊറോണയെ തുടർന്ന് 1,039 പേർക്ക് ജീവൻ നഷ്ടമായി. ഇതോടെ കൊറോണ ബാധിച്ച് മരിച്ചവരുടെ ആകെ എണ്ണം 95,542 ആയി ഉയർന്നു.