ഒരു മാസം അടുപ്പിച്ച് 3 ഈന്തപ്പഴം വെറും വയറ്റില്‍ കഴിച്ചു നോക്കൂ

ആരോഗ്യത്തിന് ഏറെ നല്ലതാണ് ഡ്രൈ നട്‌സ്. ഇതില്‍ തന്നെ ഈന്തപ്പഴം ആരോഗ്യപരമായ ഗുണങ്ങളാല്‍ മികച്ചു നില്‍ക്കുന്നു. നല്ല ശുദ്ധമായ ഈന്തപ്പഴം ദിവസവും കഴിയ്ക്കുന്നത് നല്‍കുന്ന ആരോഗ്യ ഗുണങ്ങള്‍ ചെറുതല്ല. രാവിലെ ഇത് വെറും വയറ്റില്‍ കഴിയ്ക്കുന്നതാണ് ഏറെ ഗുണകരം. അടുപ്പിച്ചു മൂന്നു മാസം ഇത് വെറും വയറ്റില്‍ കഴിച്ചാല്‍ പല ആരോഗ്യ ഗുണങ്ങളും നമ്മുടെ ശരീരത്തിനും ചര്‍മത്തിനുമെല്ലാം ഉണ്ടാകും. ഇതിൽ ഉയർന്ന അളവിലുള്ള ഫൈബർ, ആന്റിഓക്‌സിഡന്റുകൾ എന്നിവയ്‌ക്ക് പുറമേ നിരവധി വിറ്റാമിനുകളും ധാതുക്കളുമെല്ലാം അടങ്ങിയിരിക്കുന്നു. കൃത്യമായി പറഞ്ഞാൽ കാർബണുകൾ, ഫൈബർ, പ്രോട്ടീൻ, പൊട്ടാസ്യം, മഗ്നീഷ്യം, കോപ്പർ, മാംഗനീസ്, അയൺ, വിറ്റാമിൻ ബി 6 തുടങ്ങി ശരീരത്തിന് ആവശ്യമായ മിക്കവാറും പോഷകങ്ങളെല്ലാം ഇവയിലുണ്ടെന്ന് കണക്കാക്കിയിരിക്കുന്നു. അതുകൊണ്ടുതന്നെ നിങ്ങൾക്ക് വിശക്കുമ്പോഴെല്ലാം ഇഷ്ടാനുസരണം കഴിക്കാൻ കഴിയുന്ന ആരോഗ്യകരമായ ലഘുഭക്ഷണങ്ങളിൽ ഒന്നാണ് ഈന്തപ്പഴങ്ങൾ.