കൊറോണ: രാജ്യത്ത് രോഗബാധിതരുടെ എണ്ണത്തിൽ വലിയ കുറവ്; 24 മണിക്കൂറിനിടെ പതിനായിരത്തിൽ താഴെ രോഗികൾ മാത്രം

രാജ്യത്ത് കൊറോണ വൈറസ് ബാധിതരുടെ എണ്ണത്തിൽ തുടർച്ചയായ കുറവ്. കഴിഞ്ഞ 24 മണിക്കൂറിനിടെ രോഗം സ്ഥിരീകരിച്ചത് പതിനായിരത്തിൽ താഴെ പേർക്ക്. 9,102 പേർക്ക് മാത്രമാണ് രാജ്യത്ത് രോഗം സ്ഥിരീകരിച്ചത്. ഇതോടെ രാജ്യത്തെ ആകെ രോഗബാധിതരുടെ എണ്ണം 1,06,76,838 ആയി. ആകെ രോഗബാധിതരിൽ 1,03,45,985 പേർ രോഗമുക്തരായി. നിലവിൽ 1,77,266 പേരാണ് ചികിത്സയിൽ കഴിയുന്നത്. കഴിഞ്ഞ 24 മണിക്കൂറിനിടെ 15, 901 പേർ രോഗം ഭേദമായി ആശുപത്രിവിട്ടു. രാജ്യത്ത് കൊറോണ പരിശോധന കഴിഞ്ഞ ദിവസങ്ങളിൽ വർദ്ധിപ്പിച്ചിരുന്നു. കഴിഞ്ഞ 24 മണിക്കൂറിനിടെ 7,25,577 സാമ്പികളാണ് പരിശോധിച്ചത്. ഇതുവരെ നടത്തിയ പരിശോധനകളുടെ എണ്ണം 19,30,62,694 ഉയർന്നു. കൊറോണയെ തുടർന്ന് കഴിഞ്ഞ 24 മണിക്കൂറിനിടെ 117 മണങ്ങളാണ് റിപ്പോർട്ട് ചെയ്തത്. ഇതോടെ രാജ്യത്ത് കൊറോണ ബാധിച്ച് മരിച്ചവരുടെ ആകെ എണ്ണം 1,53,587 ആയി. വാക്‌സിനേഷൻ ആരംഭിച്ചതിന് പിന്നാലെ ഇതുവരെ 20,23,809 പേർ വാക്‌സിൻ സ്വീകരിച്ചുവെന്നും കേന്ദ്ര ആരോഗ്യമന്ത്രാലയം അറിയിച്ചു.