തുളസിയിട്ട് തയ്യാറാക്കാം ഇനി ചുമ മാറാനുള്ള കഷായം

ചുമയ്ക്കും ജലദോഷത്തിനും തൊണ്ടയിലെ അസ്വസ്ഥതകൾക്കും ഒക്കെ കഴിക്കാനുള്ള ധാരാളം മരുന്നുകളും കഫ്സിറപ്പുകളും ഒക്കെ ഇന്ന് വിപണികളിൽ ലഭ്യമാണ്. എന്നാൽ ഓരോ തവണയും ഇത്തരം അസ്വസ്ഥതകൾ ഉണ്ടാവുമ്പോഴെല്ലാം ഇവ കഴിക്കുന്നത് പതിവാക്കി മാറ്റിയാൽ ഉണ്ടാകുന്ന ആരോഗ്യപ്രശ്നങ്ങൾ ചിലപ്പോൾ അപ്രതീക്ഷിതമായിരിക്കാം. പ്രത്യേകിച്ചും ഇത്തരം മരുന്നുകളിലെ രാസവസ്തുക്കളടങ്ങിയ ചേരുവകൾ പലതും ദീർഘകാലത്തിൽ നിങ്ങൾക്ക് ആരോഗ്യ പ്രശ്നങ്ങളെ വിളിച്ചു വരുത്താൻ ഇടയുണ്ട്. എന്നാൽ ഇതിനു പകരമായി പ്രകൃതിദത്ത ഔഷധസസ്യങ്ങൾ ഉപയോഗിച്ചുകൊണ്ട് ഇതിനെ ചികിത്സിക്കുന്നത് ഏറ്റവുമധികം ഗുണം ചെയ്യുന്നതാണ്. പ്രത്യേകിച്ചും ആയുർവേദം ശുപാർശ ചെയ്യുന്ന ഇത്തരം ഔഷധസസ്യങ്ങളെല്ലാം പാർശ്വഫലങ്ങളിൽ നിന്നും വിമുക്തവും ഒരാളുടെ പ്രതിരോധശേഷി വർദ്ധിപ്പിക്കാൻ ഏറ്റവും സഹായകവുമാണ്.