കൊറോണ; 24 മണിക്കൂറിനിടെ 96,424 പുതിയ രോഗികള്‍; രോഗമുക്തരുടെ എണ്ണം 41 ലക്ഷം പിന്നിട്ടു

രാജ്യത്ത് കൊറോണ വൈറസ് ബാധിതരുടെ എണ്ണത്തില്‍ വര്‍ദ്ധനവ്. കഴിഞ്ഞ 24 മണിക്കൂറിനിടെ 96,424 പേരുടെ കൊറോണ ഫലങ്ങളാണ് പേസിറ്റീവ് ആയത്. ഇതോടെ രാജ്യത്തെ ആകെ രോഗബാധിതരുടെ എണ്ണം 52 ലക്ഷം പിന്നിട്ടു. ഇതുവരെ 52,14,678 പേര്‍ക്ക് കൊറോണ സ്ഥിരീകരിച്ചതായാണ് ആരോഗ്യമന്ത്രാലയം വ്യക്തമാക്കുന്നത്. രാജ്യത്ത് ആകെ രോഗമുക്തരുടെ എണ്ണം 41 ലക്ഷം പിന്നിട്ടിട്ടുണ്ട്. ഇതുവരെ 41,12,552 പേരാണ് കൊറോണ ഭേദമായി ആശുപത്രി വിട്ടത്. 10,17,754 പേരാണ് നിലവില്‍ ചികിത്സയില്‍ കഴിയുന്നത്. കഴിഞ്ഞ 24 മണിക്കൂറിനിടെ 1,174 പേര്‍ക്ക് കൂടി ജീവന്‍ നഷ്ടമായതോടെ രാജ്യത്ത് കൊറോണയെ തുടര്‍ന്ന് മരിച്ചവരുടെ ആകെ എണ്ണം 84,372 ആയി ഉയര്‍ന്നു.