​ആരോഗ്യ അടിയന്തരാവസ്ഥ നേരിടാൻ 2800 കോടി; 20,000 കോടിയുടെ രണ്ടാം കൊവിഡ് പാക്കേജ്

കൊവിഡ് പ്രതിരോധത്തിനായി 20,000 കോടി രൂപയുടെ പാക്കേജ് പ്രഖ്യാപിച്ച ധനമന്ത്രി കെഎൻ ബാലഗോപാൽ 18 വയസ്സിനു മുകളിൽ പ്രായമുള്ള എല്ലാവര്‍ക്കും വാക്സിൻ നല്‍കുന്നതിനായി ആയിരം കോടി രൂപ നീക്കി വെച്ചതായി പ്രഖ്യാപിച്ചു.തിരുവനന്തപുരം: കൊവിഡ് 19 രണ്ടാം തംരംഗത്തിൻ്റെ സാഹചര്യത്തിൽ 20,000 കോടി രൂപയുടെ രണ്ടാം കൊവിഡ് പാക്കേജ് പ്രഖ്യാപിച്ച് ധനമന്ത്രി കെഎൻ ബാലഗോപാൽ. ആരോഗ്യ അടിയന്തരവാസ്ഥ നേരിടാൻ 2800 കോടി രൂപ മാറ്റി വെക്കുമെന്ന് ധനമന്ത്രി വ്യക്തമാക്കി. വിവിധ ലോണുകളുടെ പലിശ സബ്സിഡിയ്ക്കായി 8300 കോടിയോളം നീക്കി വെക്കും. ആളുകളിലേയ്ക്ക് നേരിട്ട് പണമെത്തിക്കുന്നതിനായി 8900 കോടി രൂപയോളം മാറ്റി വെക്കുമെന്നും മന്ത്രി വ്യക്തമാക്കി. മൂന്നാം തരംഗം കുട്ടികള കൂടുതലായി ബാധിക്കാൻ സാധ്യതയുള്ളതിനാൽ പീഡിയാട്രിക് ഐസിയു വാര്‍ഡുകള്‍ നിര്‍മിക്കാൻ പ്രാരംഭഘട്ടമായി 25 കോടി രൂപ വകയിരുത്തും. Also Read: അമേരിക്ക ഇന്ത്യക്ക് കൊവിഡ് വാക്സിൻ നൽകും; മോദിയെ ഫോണിൽ വിളിച്ച് കമല ഹാരിസ് നേരത്തെ ബജറ്റ് അവതരിപ്പിച്ചപ്പോള്‍ കൊവിഡ് നിയന്ത്രണവിധേയമായെന്ന പ്രതീതി ഉണ്ടായിരുന്നു. ചെലവ് കുറയുമെന്ന് പ്രതീക്ഷിച്ചു. എന്നാൽ രണ്ടാം തരംഗം ഉണ്ടായെന്നും ആരോഗ്യരംഗത്തിന് കടുതൽ പരിഗണന നല്‍കേണ്ട സാഹചര്യമാണെന്നും മന്ത്രി വ്യക്തമാക്കി. എല്ലാ താലൂക്ക് ആശുപത്രികളിലും ഐസിയു സൗകര്യങ്ങളോടെ ഐസിയു വാര്‍ഡുകള്‍ തയ്യാറാക്കുമെന്നും ഇതിനായി എംഎൽഎ ഫണ്ടിൽ നിന്ന് പണം കണ്ടെത്തുമെന്നും മന്ത്രി പറഞ്ഞു.