ബദാം വെറും വയറ്റില്‍ കഴിയ്ക്കണം, കാരണം

നട്‌സ് ആരോഗ്യപരമായി ഏറെ ഗുണങ്ങള്‍ നല്‍കുന്ന ഒന്നാണ്. ആരോഗ്യത്തിന് വേണ്ടിയും സ്‌നാക്‌സായി ആരോഗ്യകരമായി കഴിയ്ക്കാവുന്ന ഒന്നും കൂടിയാണ് നട്‌സ്. നല്ല കൊഴുപ്പുകളുടെ ഉറവിടമായതിനാല്‍ തന്നെയും നല്ല കൊളസ്‌ട്രോള്‍ വര്‍ദ്ധിപ്പിയ്ക്കാന്‍ ഏറെ നല്ലതുമാണ് ഇത്. ഇതിനാല്‍ തന്നെ ഹൃദയത്തിനും തലച്ചോറിനുമെല്ലാം ഏറെ ഗുണകരവും. നട്‌സില്‍ പലതുമുണ്ട്. ബദാം, വാള്‍നട്‌സ്, പിസ്ത, നിലക്കടല അഥവാ കപ്പലണ്ടി, കശുവണ്ടിപ്പരിപ്പ് എന്നിവയെല്ലാം തന്നെ ഇതില്‍ പെടുന്നു. നട്‌സില്‍ തന്നെ ഏറ്റവും കൂടുതല്‍ പ്രചാരത്തിലുള്ള ഒന്നാണ് ബദാം അഥവാ ആല്‍മണ്ട്‌സ്. അത് ഏറെ പോഷകങ്ങള്‍ അടങ്ങിയ ഒന്നാണ്. ബദാം ആരോഗ്യത്തിന് ഏറെ ഗുണം നല്‍കുന്ന ഒന്നാണ്. ഇത് കഴിയ്ക്കാന്‍, അതായത് ഇതിന്റെ ഗുണം നല്ലതുപോലെ ശരീരത്തിന് ലഭ്യമാക്കാന്‍ ഇത് കഴിയ്‌ക്കേണ്ട രീതിയും പ്രധാനമാണ്.